Avropa Komissiyasının yeni araşdırması Aİ ixracının məşğulluğa böyük təsiri olduğunu göstərir

Avropa Komissiyası Aİ ixracının məşğulluğa təsirinin təhlilini dərc edib ki, bu da Aİ-də çoxlu sayda iş yerlərinin Aİ üzvü olmayan ölkələrə ixrac sayəsində mövcud olduğunu göstərir. Araşdırmanın əsas nəticələri aşağıdakılardır:

• 2019-cu ildə Aİ-də 38 milyondan çox iş yeri birbaşa və ya dolayısı ilə Aİ ixracı ilə dəstəklənir ki, bu da on il əvvəlkindən 11 milyon çoxdur. 38 milyon iş yerindən 14 milyonu qadınlara uyğun iş yerləridir.

• Aİ-də ixracla dəstəklənən iş yerləri ümumilikdə iş yerləri ilə müqayisədə orta hesabla 12% daha yaxşı maaş alır.

• 2000-2019-cu illər arasında ixracla dəstəklənən iş yerlərində kəskin artım eyni dövrdə Aİ ixracatındakı güclü artımı (130%) əks etdirir.

Aİ ixracı həm də Hindistan, Braziliya, İndoneziya, Türkiyə, Böyük Britaniya və ABŞ kimi Aİ üzvü olmayan dövlətlərdə məşğulluğa böyük təsir göstərmişdir. 2019-cu ildə aparılan araşdırma həmin tərəfdaş ölkələrdə 24 milyondan çox iş yerinin Aİ ixracı ilə dəstəkləndiyini göstərmişdir.

2000-2019-cu illər ərzində Aİ ilə üçüncü ölkələr arasında tarifləri aşağı salan və tərəflər arasında ticarət və investisiya axınını artıran 67 ikitərəfli ticarət sazişi qüvvəyə minib.

Ümumilikdə, Avropa Komissiyasının araşdırması göstərir ki, daha çox ticarət daha çox iş yeri deməkdir. Bu mənada araşdırmanın nəticələri aşağıdakıları qəti şəkildə dəstəkləyir:

• yeni imkanların açılması üçün çoxtərəfli, regional və ya ikitərəfli səviyyələrdə ticarət sazişləri üzrə danışıqlar;

• mövcud razılaşmaların tam icrasını təmin etmək üçün səylər.

Baş İqtisadçının araşdırma barədə qeydini bu keçiddən https://trade.ec.europa.eu/doclib/docs/2018/november/tradoc_157517.pdf,

araşdırmanın tam mətnini isə bu keçiddən əldə edə bilərsiniz

https://trade.ec.europa.eu/doclib/docs/2018/november/tradoc_157516.pdf.